काठमाडौं । प्रशान्त महासागरमा तीव्र रूपमा विकसित भइरहेको एल–निनोका कारण नेपालमा मनसुन आगमन ढिलो भएको छ। मौसम विभागका अनुसार सामान्यतया जुन १३ मा भित्रिने मनसुन यस वर्ष अझै केही दिन पर सर्न सक्ने अवस्था देखिएको छ।
विभागले सार्वजनिक गरेको ऋतुगत पूर्वानुमानमा अधिकांश क्षेत्रमा औसतभन्दा कम वर्षा र बढी तापक्रम रहने उल्लेख छ। विज्ञहरूका अनुसार यस्तो अवस्थाले कृषि उत्पादनमा प्रत्यक्ष असर पार्न सक्छ।
गत वर्ष पनि मनसुन समयभन्दा छिटो भित्रिए तापनि रोपाइँको समयमा पर्याप्त वर्षा नहुँदा धान उत्पादनमा कमी आएको थियो। यस वर्ष पनि यस्तै जोखिम दोहोरिन सक्ने आकलन गरिएको छ।
यसैबीच, कृषि विज्ञहरूले किसानलाई सुक्खा धानका जात प्रयोग गर्न, पानी सञ्चय गर्न र जलवायुमैत्री खेती प्रणाली अपनाउन आग्रह गरेका छन्। विभागले मनसुनको अवस्थाबारे नियमित अद्यावधिक जानकारी सार्वजनिक गरिरहेको जनाएको छ।
तपाईको प्रतिक्रिया
सम्बन्धित खवर
